hillong, Jylliew 7:
Uwei u samla pule jong ka BBS College, Shillong ia uba la tip kyrteng kum u Sughand Lohagun uba dei ruh u Senior Cadet jong ka 2nd Megh Bn ka National Cadet Corps, Shillong u la ioh ban khur ia ka kyrdan kaba nyngkong ha ka jingshah hikai kiewlum kaba ki ong ha ka ktien nongwei kum ka ‘Mountaineering Course’ kaba eh bad kaba shitom haduh kattta katta kaba la pynlong da ka Himalayan Mountaineering Institute, Darjeeling.
La ong ruh ba utei u samla ym tang ba u la ioh ia ka kyrdan kaba nyngkong, hynrei u la wan ba nyngkong ruh ha katei ka jingshah hikai, hynrei u la ioh ruh ia ka kyrdan kaba nyngkong ha ka jingiakop kiew maw, lane kata kaba ki ju ong kum ka ‘Rock Climbing’ bad long balai pat ha ka jingshah hikai ‘Cross Country’.
Kane ka jingpaw utei u samla kadei hadien ba ka Directorate jong ka National Cadets Corps kaba dei khmih ia ka thain Shatei Lam Mihngi lane ka North Eastern Region, ka la pynpaw ia ka jingsngewkmen bad ai jingiaroh halor ka jingwanrah nam jong utei u samla pule kolej na Shillong mynta ka sngi, ka 7 tarik jong u Jylliew, 2024.
