Jowai, Lber 18: Ha ka jingjia kaba sngewsih bad pangnud i wei i heprit I ba dang hapoh 4 snem I la khlad noh katba ka hymmen jong i ne i heprit ba dang 10 snem i lait im na ka jingpluh ding kynsan kaba la bam duh ia ka iingsah jong ki.
Kane ka jingjia kaba sngewsih ka la jia hynnin ka miet jong ka 17 tarik Lber 2025 ha ka shnong Umpaji Sahsniang Saitthad, West Jaintia Hills District.
Kumba la ioh jingtip, la iathuh ba ka jingjia kem ding kynsan ka iingsah jong kitei ki heprit ka la jia ha ki por 9 duna eiei katba ki dang ia iohthiah lyngngai.
I heprit I ba la khlad noh ha katei ka jingpluh iing la tip kyrteng kum i Elisha Iakai 4 snem bad ka hymmen kaba la lait im la tip kyrteng kum Glorify Iakai (10) kiba dei ki khun jong ka Kong Itaimai Iakai Bah Mewos Shadap.
La iathuh ruh, ba ha ka por ba pluh katei ka iing ka hymmen ka la pyrshang ban iarap ia la ka para hynrei kam shem la lah satia tad haduh ban da khlad ha ka jingpluh ka ding.
La ioh jingtip ruh, ba ha ka por ba jia katei ka jingjia ba sngewsih ka kmie jong kitei ki heprit ka dang wanphai na Iew.
