Shillong/Guwahati, Ïaïong 25: U nongkawang bol jong ka kynhun na Meghalaya u Abhinav Khanal u la lah syndon ban pyndonkam da ka hat-trick na ka bynta ban pynjop ïa la kynhun kaba dei lyngba ka 7 wicket pyrshah ïa ka kynhun ïalehkai na Arunachal Pradesh ha kawei na ka lympung ïalehkai ba la tip kum ka 1st North East Little Masters Trophy 2025 bad kaba dei ruh ka lympung ïalehkai na ka bynta ki khynnah hapoh ka ka 14 snem ba la pynlong mynta ka sngi ha Guwahati.
Ha ka jingïakhun, ka Meghalaya ka la ioh ban tied nynkong ha kaba ka Arunachal Pradesh tang hapoh shi kynta ka la shah rem noh da kaba ka la kamai 41 run ha ka 14.1 over na ka 33 over kaba ki dei ban ïalehkai. Ka Meghalaya ka hap ban beh ïa kitei ki run ba la kamai da ka Arunachal ha kaba tang hapoh ka 11.4 over ka la ioh ban pynliem 3 wickets.
Ka jingïalehkai ka la khluit bha, ha kaba u Abhinav u la pynklumar ïa ki nongtied bol ka Arunachal, ha kaba u la khur 3 wicket bad ai tang 7 run ha ki 3.1 over bad ba la khur ïa ka hat-trick.
Nalor kata, u Abhinav u la shim ruh ïa ka wicket ba nyngkong u Nabam Jamper ha ka 11 over bad la pynhap wicket ruh sa ïa ki 2 ngut ki nongtied kiba la ioh kamai run (duck run). U la lah ruh ban pynhap sa kawei ka wicket na ka bol kaba san bad ban pynhap ruh 4 wicket tang ha ka shi over. Halor kane ka jingïalehkai bha jong u, u la shah jied ruh kum u nongïalehkai ba kynsai jong kane ka jingïakhun haba kut noh ka jingïalehkai.
Ha ka jingïakhun, ka Arunachal ka la hap kloi bha 2 tylli ki wicket ha u Calvin P Syngkli uba la ai kamai tang 9 run bad khur 2 wicket ha ki 3 over, hynrei ka la dang kiew na ka 4/2 sha ka 37 khlem da hap wiket shuh. Dei lyngba u Abhinav uba la pynjot noh ïa ka kynhun pyrshah ha kaba haduh 5 ngut ki nongtied ka Arunachal ki la hap ban leit phai sha ka jaka shong khlem da lah kamai ei ei ïa ka run. Dei tang u Tamser Ngurang uba la kamai bun eh ïa ka Arunachal da kaba u la ioh ban khur haduh 18 run shwa ban shah pynhap wiket ha u Abhinav. Shuh shuh, kawei pat ka wiket ba la pynhap ka dei kaba la shim da u Donsrang Chubat Sangma (1/2 ha ki 3 ober).
Ka jingïabeh ïa ka thong ba la buh da ka Arunachal ka long kaba suk bha, ha kaba ka Meghalaya ka la hap wicket tang 2 ngut ki nongtied bol, shuh shuh, u Iaisan Khongji (11) bad u Abdulla Pathaw (10) ki la leh bha ban pynpoi ïa ka Meghalaya sha ka thong bad kumta haba kiwei ki la hap wicket, la dei sa ka por ba tied u Abhinav bad u Abdulla Pathaw, ha kaba ki la lap ban pynjop noh syndon bad u Abhinav u la ioh 6 run khlem out bad u Abdulla Pathaw 1 ron, kaba la pynlong ïa ka Meghalaya ban kan jop noh ïa ka Arunachal Pradesh.
Ka Meghalaya ka dei kaba long ba ar ha Group A. Ki ar tylli ki kynhun ban ioh rung sha ka thup jong ka Semi Final.
