SHILLONG, Jymmang 15: “Ka jingduna um ne ka jinghiar ka jingdon jongka um ha ka pung Umiam kam don satia kano kano ka jingiadei bad ka jingpynbha ne maramot ia ka Jingkieng Dam ha Umiam” ong u A.T Mondal, Myntri ka sorkar jylla ba dei peit ia ka tnad pynmih bording Ilektrik ha ka jylla.
Haba kren sha ki Nongthoh Khubor, u A.T Mondal u la ong ba u la ioh pdaing shibun ki jingujor lyngba ka Phone ba ki briew ki pynpaw ia ka jingsngewkhia shaphang ka jinghiar ka um ne ka jingduna ka um ha ka pung Umiam bad ki la kynnoh ruh ba kane ka lah ban dei hadien ba la dep bam maramot ia ka jingkieng Dam ha Umiam.
U la pynshai ruh ym donkam ei ei ban ia kren halor ka jingmaramot ia ka jingkieng Dam, hynrei ka jinghiar ka um hapoh katei ka Pung Umiam ka dei namar ba la dei ka por ba la tan ia ka bording ilektrik.
U la ong ruh kumba ka sorkar ka la kular ba kan nym don ka jingpynlip bording (Loadshedding) khamtam ha ka por ba don ki examination ki samla pule bad ka jinglang ka um baroh shi katta ka dei namar ba ka tnad ba peit ia ka bording kam shym la tan bording sati ana ka Pung Umiam ha kaba ki la tan ia ka bording na kiwei ki jaka ba lah ban tan bording.
Shuh shuh, u la pynshai ruh ba ka jingduna um ne ka jingtyrkhong um ha Pung Umiam kam dei satia ba ka jingdon ka jinglait ka um na katei ka Jingkiengba la dep ban maramot, hynrei ka dei kaba la sdang ban tan biang ia ka bording ielektrik ha kaba ym don jingmut ban ban buh ia ka um ba ka por aiom slap ka la jan poi, u la bynrap.
