Nongpoh, Jymmang 16: U MLA ka Umroi, u Damanbait Lamare ha ryngkat ka jingdon ki ophisar ka tnat PWD, mynta ka sngi ki la leit ban jurip ia ka jingpyntrei ia ka surok kaba 44 km, ia kaba la pyntrei ha ki shnong bapher bapher kiba hap ha Umroi Constituency bad kaba la ïoh ia ka jingpynmang tyngka kaba la kot sha ka T. 60 klur tam.
Lyngba jong katei ka sngi, u Damanbait Lamare, MLA Umroi, ha ryngkat ka jingdon u Bah D. Laloo, EE PWD Umsning Division, u SDO ka PWD Bhoirymbong lem bad kiwei de ki ophis sorkar.
Haba kren sha ki lad pathaikhubor, u Damanbait Lamare, u la ong ba katei ka jingleit jurip jong u ia ki surok kiba u la pynioh sha ki shnong bapher bapher ka Umroi Constituency, kata naduh ki thaiñ Bhoirymbong ter ter sha ki thaiñ Umket bad shaduh ki thaiñ Mawbsein, ka long ban tip ba haduh katno la ïaid ka jingpyntrei ia kitei ki surok, khnang ba kin dep kloi bad ruh ba kan long shisha kaba ai jingmyntoi ia ki paidbah nongshong shnong.
Ha ka jingleit jurip, la lap ba ka jingpyntrei ia ki surok ha ki shnong bapher bapher, la lap ba ki la sdang shaid shaid, ha kaba u kum u MLA, u kyrmen ba tang da la poi ha por ba rang, kaba mut yn sa pyndep lut noh baroh, namar ban pyndep mynta ki por Lyiur, kam long kaba bha ban Siangrong.
Nalorkata, nga la bthah ruh ia ki ophisar ka PWD ba kin shna pynbha ha kito ki jaka ba don ka jingpyniaid ïa ki Pipe Um jong ka tnat PHE, khnang ba ki surok kin long kiba neh slem.
