Washington, Jymmang 19: U President barim ka US, u Joe Biden mynta u la don hapdeng ka jingshah sumar na ka jingpang bampong kaba la tip kum ka ‘Prostate Cancer’ bad kaba la pur ruh wat sha ki shyieng ki shruh jong u. Ia kane la pynbna da ka ophis Democrats ha ka sngi u Blei bad ka la saphriang ruh ha kiba bun ki lad pathai khubor.
Kumba la paw ha ki lad pathai khubor bapher bapher, u Joe Biden kum u Democratic Leader u la shah sumar hadien ka jinglap ba ka don ki dak ki shin ka jingshitom ha kaba leit pynjhieh ha kaba ha ka jingsumar la lap ba ka dei katei ka jingpang Prostate Cancer kaba ktah ha ki jaka lei shabar jong u tiar ka jinglong shynrang. Kiba haing hasem jong u Joe Biden ki la dang wad ki lad ki lynti kiba biang ban shah sumar.
Kane ka jingpang Prostate Cancer kaba ki khot ha ka ktien nongwei ka dei ka jaid jingpang kaba kham ktah ia ki shynrang, la pynpaw ka American Cancer Society bad la pynpaw ruh uwei ha ki phra ngut ha US ki shaid shah sumar ha ka kum kine ki jaid jingpang.
Halor kane ka jingpang kaba la ktah ia u president barim ka US, u Joe Biden kumba la saphrang sha ki lad pathai khubor, u President ba mynta ka US, u Donald Trum ruh u la phah ia ka khubor sngewlem bad u la pynpaw ruh ia ka jingsngewkhia halor ka jingban katei ka jingpang ia u Joe Biden, uba dei u President barim ka US.
