Nongpoh, Jylliew 26: Ki san ngut ki samla na ka jylla Meghalaya kiba mih khmat ia ka ri India sha ka Asian Muaythai Championship 2025 kaba la long ha ka 20 tarik u Jylliew 2025 haduh ka 26 tarik u Jylliew 2025 ha Thai Nguyen, Vietnam mynta ka sngi ki la wan phai sha la ka jylla ryngkat ki 10 tylli ki medal ba kum ki samla ki la ioh khur na katei ka lympung ialehkai ha Vietnam.
Na kitei ki 5 ngut ki samla na ka jylla Meghalaya, ki samla kiba la wan rah nam bad khur ia ki medal ki kynthup ia ka samla Bansahnam Kyrpang Warkhyllew 45kg kaba la khur kawei ka takma rnong ha ka combat bad kawei ka takma rnong ha ka Waikru, ka samla Mary Christine Riang 45kg ka ioh khur kawei ka takma rnong ha ka combat, 2 ha ka waikhru bad 3 tylli ki takma rnong ha ka Maimuay, u Aristone Syiemsad 57kg, u la ioh khur kawei ka takma rnong ha ka combat, 2 tylli ki takma rupa ha ka Maimuay, u Teiboklang Marbaniang 51kg u ioh khur kawei ka takma rupa ha ka maymuay bad 2 tylli ki takma rnong ha ka waikhru bad ka Anita Rai 48 kg ka la ioh khur kawei ka takma rnong ha ka combat.
Haba wan poi mynta ka sngi sha Nongpoh shwa ba kin leit sha la ki ïing ki sem, ia kine ki samla la pdiang burom ruh da ka Association ha ka jingialam u Bah Angelus Sun kum u President Mauythai Association of Meghalaya bad u ba bat ia ka kyrdan, kum u International Referee & Judges, Commission India, bad ruh u Chief Technical.Director, ha kaba ba ki la leh burom mynta ka sngi ha Nongpoh halor kitei ki jingjop ba ki la wan rah burom ia ka jylla.
Kum ban pyntip paidbah, kine ki samla kin sa shim bynta ruh ha ka 39 National Game 2027 ka ban long ha ka jylla bad na ka liang ka sorkar ruh ka khot la wer ia kine ki samla lyngba katei ka kynhun ba kin shim bynta ha katei ka lympung National Game.
