Nongpoh, Jylliew 26: Hadien ba la kut ka samoi treikam jong ki nongialam barim ka Ri Bhoi Youth Federation (RBYF) Mawhati Circle, mynta ka sngi ka la ioh ban jied bad ban pynthymmai noh ia ki nongkitkam jong katei ka Circle, na bynta ka samoi treikam jong u snem 2025 haduh 2028.
Ha katei ka sngi ba la pynthymai bad pynskhem ia ki nongkitkam ka Mawhati Circle la pynlong ha Iing Dorbar Mawhati, ia kaba la pynskhem da u Bah Liander Nongshli, Working President ka RBYF, ha ryngkat ka jingdon u Bah Rj Thangkhiew, Political Secretary, u Bah Bawantipor Marwein, Finance Secretary, u Bah Phrangsngi Kylla, Chief Organizing Secretary, u Bah Neversad Makdoh, Sports Secretary lem bad kiwei.
Na ki nongai jingkren ha katei ka sngi, ki la kyntu ia kitei ki nongïalam ba thymmai ka RBYF Mawhati Circle, ba ki dei ban ai ka jingïatreilang bad ki paidbah, na ka bynta ban peit ïa ka bha ka miat bad ruh ban wanrah ïa ka shongsuk shongsaiñ hapoh ka thaiñ.
Ki nongïalam ba thymmai ka RBYF Mawhati Circle, ki kynthup ia u Phrangsngi Bakash kum u President, u Pinky Diengdoh kum u General Secretary, u Francisco Shadap kum u Vice President lem bad kiwei
