Shillong, Naitung 02: Ka Iingbishar ba don burom jong ka Meghalaya High Court mynta ka sngi ka la shong ban tian bishar halor ka jingujor jong ki nongdie madan lyngba ka Meghalaya Street Vendors and Hawkers Association kaba la iakhun pyrshah ia ka jingthmu jong ka sorkar jylla ban pynkynriah ia ki na ki jaka ba ki ju shong ban die jingdie khamtam ha ka thaiñ 9 Lad, Police Bazar.
Ha ka jingtian bishar, mynta ka sngi ka kynhun ba baroh arliang mamla ki la pyni ia la ki nia ki jutang ban pynshong nongrim ia ka jingkam jong ki, tad haduh ba ka Iingkashari hadien ba la bishar bniah la bthah ban thung noh da u Special Officer ban wad bniah ne bishar bin pa bin halor ka jingthmu pynkynriah ia ki nongdie madan da ka sorkar jylla bad ka jingiakhun jong ki nongdie madan halor katei ka rai bad la bthah ia u ne ka Officer ban wanrah ia ka jingtip baroh ha ka Hearing kaban sa long ha u bnai Nailar.
Na ka liang u legal counsel j, u P. Yobin, u la iathuh, ba ka jingtian bishar kan sa long biang ha u bnai ban wan kata ha ka taiew ba nyngkong jong u bnai Nailar ha kaba yn sa bishar bniah ia ka jingshem bad jingtohkit lyngba u Special Officer.
