U Diogo Jota, u rangialehkai ba paw jong ka ri Portugal bad kumjuh ruh jong ka Liverpool FC, lem bad u para jong u uba la tip kum u Andre Silva, ki la khlad noh na sla pyrthei, kata ka dei hadien ba ka kali Lamborghini kaba ki shong, ka la bthei ka taiar, kaba la pynlong ia katei ka kali ba kan kylla bad kemding, kaba la jia hajan Zamora, Spain.
Ia u Diogo Jota, la kha ha u snem 1996 bad haduh kane ka sngi kaba u khlad u dang don 28 snem ka rta, nalorkata u dei u rangialehkai shakhmat bad uba pawnam eh ha ka pyrthei, namar nalor kaba u la mihkhmat na ka ri Portugal, hynrei u dei ruh u rangialehkai ba paw jong ka Liverpool FC.
Kum u rangialehkai phutbol, ha ka por ba u don bad ka Liverpool FC, u Diogo Jota, u la don bynta bad ka Liverpool FC ha ka por ba ki long kum ka kynhun lahduh, kata naduh ha ka English Football League (EFL), ha ka FA Cup bad kumjuh ruh kane English Primier League jong ka samoi 2024/2025.
Nalorkata, u la don bynta ruh bad ka ri Portugal ban ialehkai ha ka UEFA Nations League, kaba la iashimbynta da bun ki ri ba paw ha ka phutbol phutbol ha ka pyrthei hi baroh kawei, ha kaba ka Portugal ka la long kum ka lahduh, hadien ba ka la lah ban pynliem noh ia ka Spain.
