Shillong, Jylliew 11: Ki nongialam ka KSU North Khasi Hills District Unit hapoh ka jingialam u President u Bah Ferdynald Kharkamni lem bad ki nongnialam bad ki dkhot ki la leit ban ai jingkyrshan ia ka Kong Bindas Syiem kaba leit ban shah thngan ha Secretariat na ka bynta ka jingdawa ban wan rah noh da ka surok kaba paka na Nongpoh-Umden-Sonapar kaba don ka jingjngai kaba 58 km.
Ha ka jingialam utei u nongialam ba rangbah na ka District, la synran lang ruh da ka jingdon lang kiwei ki nongialam bad ki dkhot na ka District, ha kaba ha hynnin ka sngi ki la leit ban kyrshan pura da kaba ia kynduh markhmat bad ka Kong Bindas Syiem kaba shah thngan ha Secretariat Shillong.
Kane kajingmih kine ki nongialam seng ban ai jingkyrshan ia katei ka Longkmie ba shah thngan ka dei ruh shi bynta halor ka Nongrim ba ki paidbah ka thaih Umden ki la don hok ban ioh noh da ka surok kaba paka, namar kumba ka long mynta ka jinglong jingman ka surok ka la ktah shisha ia ki paidbah ha ka leit ka wan da ka jingjot rathai jong ka surok.
Namarkata, na ka liang ka KSU North Khasi Distirct Unit na Ri Bhoi, nalor ba ka la ai ka jingkyrshan ka pura ia ka Kong Bindas Syiem bad ka la dawa ruh na ka sorkar ba ka dei ban shim khia ia kane ka kam iap ka kam im ki paidbah ym da kaba leh mutlop bad ban pynrulong ia kine ki jingangnud ki paidbah ban ioh surok thymmai kaba la pynlong ruh ia ka Kong Bindas Syiem ban leit shah thngan ha Secretariat Shillong.
AI JINGKYRSHAN KA KSU NORTH KHASI HILLS UNIT IA KA KONG BINDAS SYIEM
