U Myntri ka sorkar jylla ba dei peit iaka tnad Community & Rural Development u AT Mondal mynta ka sngi u la leit ban plie paidbah noh ïaka Traditional Market kaba la tei ha ka Shnong Lumdaitkhla, Bhoirymbong.
Katei ka Ïew ka dei ba la tei lyngba ka Tnad Ministry of Tribal Affairs jong ka sorkar kmie haka jinglut kaba 5 klur tyngka kaba don ruh haduh 66 tylli ki dukan ba ki paidbah kin ioh ban shong ïew ban die ïaki mar ki mata.
Ha katei ka sngi la ia donlang ruh da u Bah AL Hek, Myntri ka tnad Animal Husbandry and Veterinary, u Bah Damanbait Lamare MLA ka Umroi, Bah Isynei Hinge MDC Umroi, Kong B Rani ADC Ri-Bhoi, Dr. R Talang, BDO Bhoirymbong Block, Bah ST Rympei Rangbah Shnong Lumdaitkhla, Bhoirymbong lem bad kiwei kiwei…
Haba kren ha katei ka jingialang u AT Mondal u la ong, ba kane ka ïew kan ai jingmyntoi shibun ïaki paidbah nongshong ïew namar kane ka ïew kaba la plie mynta kan pynlait ïaki paidbah naka sngi u slap bad khamtam naka jingkhapngiah.
U la ong ruh kane ka ïew kan sa long kawei naka ïew ka ba paw hapoh ka jylla hynrei ka donkam pat ïaka jingtrei shitom daki nongshong ïew ba kumno ban khring ïaki paidbah bad ki jait tiar ba kin die khamtam ban khring ruh iaki nong jngohkai pyrthei.
