Nongpoh, Nailar 11: “Ka kam ri syiar ha ka jylla ka dei shisha kawei na kaba ai jingmyntoi ia ki nongrep hapoh ka jylla, lada ngi lah ban pyntreikam bha ha kata ka rukom kaba kyrpang” ong u Bah Renikton Lyngdoh Tongkhor, Chairman ka Committee on Government Assurances ka State Legislative Assembly haba kren sha ki lad pathai khubor ha ka jingleit jurip ia ki jaka ri syiar ki riew shimet bad ruh ka jaka ri syiar ka sorkar ba kynthup ia ka Poultry Farm manucfacturing Unit ha Umiam bad ha Regional poultry Farm Breeding kaba don ha Kyrdemkulai.
U la ong ruh ha ka jingleit jurip ia kitei ki jaka ri syiar la lap ba ka jylla kam pat lah satia ban pynbiang ia ka jingdonkam jong ki paidbah ha ka jylla la ka long ha ka laing ka doh, ki pylleng bad wat ki jingbam, ha kaba dang hap ban shaniah na kiwei ki jylla.
“Lada lah ban pynheh ia ka kam ri syiar ha ka jylla kane kan ai jingmyntoi shisha ha ka liang ka ioh kam ka ioh jam bad ruh ban kyntiew ia ka ioh ka kot ki nongrep” ong u Bah Renikton Lyngdoh Tongper bad bynrap ruh ngi dang donkam ban ai jinghikai ia ki samla ba kin ieng ha la ki jong ki kjat khnang ba ka kam ri syiar kan ai jingmyntoi shisha ha ka ioh kam ka ioh jam bad ban kyntiew ia ka ioh ka kot ka jylla” u la bynrap.
Kawei kaba u la kren ka dei ka jingpynmh ia ki jingbam lyngba u riew hadem ba ka Committee kan sa ai jingmut sha ka sorkar ban thaw noh da ka ‘Riewhadem Mission’ ban thung ia ki riew hadem, namar ia ki jingbam syiar la shna da ki riew hadem kumba ka jylla Meghalaya ka long kaba seisoh ban rep ia u riew hadem ka ban ai jingmyntoi ia ki nongrep bad ha kajuh ka por ngin lah ban ri syiar shibun haba lah ban pynmih ia u jingbam na la ka jong ka jylla kaba ngim donkam shuh ban shaniah la ka dei u jingbam syiar ne ha ka doh syiar na kiwei ki jylla lada ia trei lang ka sorkar bad ki paidbah. U la bynrap.
Kiwei kiwei kiba la don lang ha kane ka sngi ki kynthup ia u u Dr. Celestine Lyngdoh, kum u Member, u Bah Olansing Suin kum u Member, u Bah Mathew B Kurbah, member bad la ryngkat lang ki ophisar na ka Committee.
