Shillong, Nailar 11: Ka Hynniewtrep Integrated Territorial Organisation (HITO) hynne ka sngi kala leit pan jingpynshai na u Myntri ka tnat Animal Husbandry and Veterinary u Bah AL Hek haba iadei bad ki khyrdop lane ki Check Gate ban eksamin iaki jait ri jingri ba wankit shapoh ka Jylla
Haba kren shaki lad pathai khubor u President ka HITO u Bah Donbok Dkhar ula ong ba kane ka jingdonkam kyrkieh iaki khyrdop lane ki Check Gate kadei ban tehlakam noh iaka jingkhaii beain jait ri jingri shapoh Banngladesh bad kumjuh ruh ban pynthikna baki mrad ba wankit shapoh ka Jylla ki long kiba shngain ban bam.
U Bah Donbok ula ong baka seng ka sngewkhia bha halor ka jingpaw ki kam khaii beain iaki jait mrad shapoh Bangladesh khamtam namar ba naka por shaka por ki shipai BSF ki ju ioh kurup iaki masi.
“Ka HITO ka dawa naka Sorkar ba kadei ban shim daki sienjam ba tyngeh ban pyrkhing iaka jingwanpoi ki jait mrad shapoh ka Jylla. Haka jingiakynduh jong ngi bad u Myntri ngi la dawa ban pynieng khyrdop lane ki Check Gate bad dei ban pyntreikam 24/7 ia kine ki khyrdop” la ong u Bah Donbok.
U Bah Donbok ula ong ba ka seng kala dawa ruh na u Myntri ban pynthikna ba baroh ki jait mrad kiba wan shapoh ka Jylla kidei kiba la dep eksamin daki Doctor ka tnat Animal Husbandry.
