Shillong, Nailar 11: U Myntri ka tnat Animal Husbandry and Veterinary u Bah AL Hek hynne ka sngi, da lade u la bthah ia ki ophisar ka tnad Animal Husbandry and Veterinary ban pynkloi ia kane ka kam na ka bynta ban buh ia ki khyrdop lane ki Check Gate ban peit bniah ia ka koit ka khiah jong ki mrad ba wankit shapoh Meghalaya.
Haba kren shaki lad pathai khubor u Bah Hek ula ong “Ngi la ioh ia ka jingmynjur na ka Sorkar India na ka bynta ban shna ia 2 tylli ki khyrdop lane ki Check Gate kata kawei ha Narang Ri Bhoi bad kawei ha Nidangpur Garo Hills ban peit bniah ia ka koit ka khiah jong ki jait jingri” la ong u Bah Hek.
U Bah Hek ula ïathuh ruh ba shen, kawei napdeng kine ki khyrdop kin sa treikam noh.
“Nga la bthah ia ka tnat ban pynsted ia ka jingtei, khang ban lah ban tehlakam ia ki jingri kiba wan poi sha ka jylla khanng ban lah ban tehlakam ia ka koit ka khiah bad ba kan nym ktah ia ki paidbah kiba bam doh” u la ong.
Ha kaba iadei bad ka jingkhaii masi tuh, u Myntri ula pynpaw ba ka Sorkar ka shim khia bha ia katei ka kam, ha kaba ki BSF bad ki pulit ki iatreilang ban kem ia ki nongkhaii bad ban kurup iaki mrad ba thmu shalan beain sha Bangladesh.
U Myntri la ban jur ba ka Sorkar kan nym shah ban shalan beain ia kino kino ki jait jingri shabar ka ri.
U myntri u la pynpaw ia ka bynta jong ki Deputy Commissioner (DC) ki long ki Chairman jong ka Committee ban peit ia kane ka kam bad u la kdew ba la pynlong ia ka jingpeit bniah man ka por ban khanglad ia ka jingkhaii tuh.
