Nongpoh, Nailar 14: Hadien 3 sngi ba u Samla u la kynthih sha ka wah Umtrew ha Byrnihat ba la bteng ka jingiawad la u dang im ne u la ngam jyllap bay m pat lap satia haduh hynnin ka sngi, hynrei mynta ka sngi la lap noh ia ka met jong u da uwei u rangbah ba dang khat syiap ba ka um ka la rong ia u shaduh sha ka shnong Morodola, 14 mer ba la hap sha ka jylla Assam.
Kum ban pynkynmaw, une u samla la tip kyteng kum u Wanphrangsngi Syiemlieh na ka shnong Nongkyndang Saiden ha kaba u la kyntih sha ka wah ha Byrniahat ha ka 12 tarik u Nailar 2025 ha ka por 9 baje ei mynstep, ha kaba ka kynhun SRT bad Fire & Emergency Service ryngkat ki bor pulit ki la ia wad ha katei ka wah khlem da lap satia, hynrei dei tad haduh mynta ka sngi pat la lap ia ka met jong u sha katei ka shnong ha Assam kaba u la shah rong ha katei ka wah.
Kumba la iathuh da kiba haing ruh, la ong ba kane ka jingjia ka la jia ka dei tang ka jingshah beh ha ki para ba ia dih drok ba kim ia hun ia ka jingiasam pisa na ka Mobile kaba ki ia tuh bad tang na ka daw ka 300 tyngka kaba um shym la ai ha ki paralok ki la beh ia u ban shoh ban bom bad ha ka jingtieng u la leit kynthih sha katei ka wah haduh ba u la ngap jyllop bad ba la lap mpj ia ka met jong u mynta ka sngi da u nongkhat shyiap ha katei ka wah ba la hap sha Assam.
Hadien ba la ioh jingtip ba la lap ia ka met utei u samla, la pyntip nohmardor sha ki Pulit ka Byrnihat kiba la hiar mardor sha katei ka jaka ban sei ia ka met jong u kaba la per ha sla um bad ba la pyndonkam da ka Lieng bad hadien kata ki la rah noh sha Civil Hospital Nongpoh ban leh katkum ki kyndon jongka ain shwa ban aiti ia ka met sha kiba haing ha sem jong u.
