Nongpoh, Nailar 16: Ar ngut ki samla ki la duh noh ia la ka jingim, kaba dei haden ka jingiatynrah ka Scooty bad kawei ka Thuk thuk kaba la jia hynnin ka sngi Laitluid ka ri India ha ka por 8.50 baje janmiet ha ka surok Shillong By-pass ba hap ha ki bynta jong ka Khapmara, Bhoirymbong.
Ha kane ka jingjia, ki nongniah ka Scooty bad ka Thuk thuk ki lad khlad hashen bad 2 ngut ki kynthei kiba shong ha ka Scooty ki la mynsaw jur.
Katkum ka khubor ba la ioh lum, katei ka Scooty kaba ym pat don number ka dei kaba la niah da u samla Martynshain̈ Myrthong u ba dang 20 snem ka rta bad bala shong lang da arngut ki samla kynthei ki ba la tip kyrteng kum ka Ibaphylla Matlang 19 snem bad ka Samla Pdianghun Pathaw 19 snem na ka shnong Nongladaw bad katei ka Thuk thuk kaba don ia u number ML 05 M 3295 ka dei kaba la niah da u Samla Nangskhem Lyngdoh uba dang 18 snem ka rta.
La iathuh ruh ba katei ka Scooty ka dang wan na Umroi Nongrah bad mar ia poi ha Khapmara katei ka Scooty bad ka Bike ki la ia tyngkhuh kynsan haduh ba ki nongniah ki la klad bad ki ar ngut pat kba shong ha Scooty ki la khlad noh hashen.
La ioh lum jingtip ruh ba ia kitei ki 2 ngut ki samla kynthei kiba la mysnaw jur la pynkit noh mardor sha CHC Bhoirymbong ban ioh ia ka jingsumar ban ioh ia ka jingsumar bad namar ka jingmynsaw kaba la jur la pynki tnoh sha Shillong Civil Hospital ban ioh ia ka jingsumar kaba kham paka.
Shuh shuh, la iathuh ruh halor kane ka jingjai ki Pulit na Khapmara PIC ki la poi mardor sha katei ka jaka ban pynlong ia ka jingtohkit bad na ka liang ki Pulit ki dang pynlong ruh ia ka jingtohkit kaba kham bniah halor kane ka jingjia bad ban leh ruh katkum ki kyndon jongka aiñ.
