Nongpoh, Nailar 17: Tang mynta ka sngi ki Pulit ka tnad Traffic ki la ioh ban daiñ Kuna haduh T. 25 hajar tang ia ki Kali ar shaka kata ba kynthup ia ki Scooyt bad ki Thuk thuk, halor ki jingpynkhein ia ki kyndon aiñ niah Kali.
Na ka lian g ki Pulit traffic ka Nongpoh Police Staton mynta ka sngi ki la pynlong ia ka jingbat ne khynra ia ki Kali Ar Shaka ha Nongpoh bad bun ki Scooty bad ki Thuk thuk ki la ngat ha ka shrip jong ki Pulit, kaba dei halor ka jingpynkhein ain jongki.
Na ka liang ki Pulit ki la bat naphang ban tohkit bniah ia ki kot ki sla bad ruh ia kito kiba pynkhein ain bad ha kane ka jingkhynra ne bat bun ki kali ar shaka ki la hap ban siew ia ka kuna kaba dei halor ka jingpynkhein ain.
Lyngba kane ka jingkhynra ne bat ia kitei ki kali ar shaka tang mynta ka sngi u Blei ki pulit lyngba ka echallan ki la ioh ban dain kuna haduh 2500 na kito kiba pynkhein ain, kiba kynthup naduh ka jingpynher sted ia ki Kali, ka jingdih buaid, bad ruh ka jingbym deng ia ki Helmet la ka dei ia u nongniah ne ia uba shong nadien.
Kane ka jingbteng ki Pulit ban bat ne dain kuna ia kitei ki Kali ar shaka, ka dei halor ka nongrim ban ai jinghikai ba ki hap ban bud ia ki kyndon ba la buh, khnang ban lait na kino kino ki jingjia ba sngewsih ia ki kum ki nongniah ne ia ki paidbah ba leit ba wan lyngba kane ka surokbah, namar bunsien tang na ka daw ka jingpynkhein kyndon ki ju wan jia ki jingjia ba sngewsih.
