Nongpoh, Nailar 20: Ki 5 ngut ki nongialam ka Hynniewtrep National Youth Movement (HNYM) ki la shah kem ha ki pulit ka Ri Bhoi District, kaba dei halor ka jingkynnoh ba ki leit dawa pisa na ki Kali ba kit ia ki Tourist da kaba kam ba ki talasi bar jylla, hynrei ki dawa pat da ka pisa na ki dribar jong ki Kali Tourist kiba kit ia ki briew kiba na shabar ka jylla.
Kane ka jingshah kem kitei ki nongialam ka HNYM ka dei hadien ba la don haduh 2 ngut kiba la shah dawa pisa ha katei ka kynhun bad kiba dei ruh na ka kynhun ki Nongñiah Kali Tourist ka hylla kiba la ujor da ka ejehar ha Nongpoh Police Station bad lyngba katei ka ejajher ba la wan ban ujor ki Pulit ka Nongpoh Police Station ki la leit kemia ki halor ki sakhi satar kiba biang ha katei ka jingleit dawa pisa.
Kumba la pynpaw ha ka ejehar, ha ka jingialam u Sparly Syngkli ba la kam ba u dei u Chairman ka Anti Influx Cell ka HNYM, ki la dawa pisa haduh haduh T.3000 bad haduh T.6500 na kawei kawei ka Kali Tourist kiba kit ia ki briew kiba na shabar ka jylla.
Kitei ki 5 ngut kiba la shah kem ki kynthup ia u Sparly Syngkli (30) kumu Chairman ka Anti Influx Cell, u. Donboklang Kharbani President Nongpoh Circle, u Aiborlang Marbaniang Working President Nongpoh Circle, u Krius Pariong kum u member bad u Ricky Tangsang kum u member.
Halor kane ka jingshah kem ki pulit ka la rah noh ia kine ki 5 ngut mynta ka sngi sha ka ingbishar ka District, ma la bynta ka jingbishar halor kitei ki kam dawa pisa jong ki.
