Jowai, Nailar 21: Na ka daw ka jingkylla ka Trok ba kit khia ia u Clinker ka la poi sha duh u pud ba haduh 2 ngut ki mynsiem ba kordor ki la duh noh ia la ka jingim, ba kynthup ia u Dribar ka Kali Ecco kaba la shah ban ha ka Trok bad iwei pat I khyllung ba dang 2 snem ka rta ba shah syllad ha katei ka trok katba ka kmie kaba dang bah ia I sha dien.
Kane ka jingjia ka la jia mynta ka sngi ha ka por 11.30 ha Mukhla ha kaba Trok kaba don ia u UP76T 1960 ka la kylla ha Mukhla bad ka la ban syndon ia ka Kali Ecco kaba don ia u number ML04E 0731 bad kumjuh ruh ka la syllad ia kawei ka Longkmie ba la tip kyrteng kum ka Kong Sooki Sari na ka shnong Ladmukhla katba dang bah ia I khun ba dang ar snem shadien.
Kumba la ioh lum jingtip na ki Pulit ka West Jaintia Hills, la ong ba I khyllung ba dang 2 snem ka rta la rah noh mardor sha Norman Tunnel Hospital Jowai, hynrei haba la poi ha katei ka jaka ai jingsumar ki Doctor ki la pynbna ba I la dep khlad lypa.
La ong ruh ba u dribar katei ka Ecci ba la tip kyrteng kum u Convice Susngi na ka shnong Nongbah la rah ia u mardor sha Jowai Civil Hospital, hynrei ia une u Dribar ka Kali Ecco ruh ki Doctor ki la pynbna ba ula dep khlad lypa na ka jingmynsaw.
Shuh shuh, la ong ruh ba ka Kong Sooki Sari ka dang don mynta ha ka jingsumar ha ICU ka Norman Tunnel Hospital ma la daw ba ka la mynsaw ha ka jingshah syllad ha katei ka Trok., katba u Dribar katei ka Trok haka jingsheptineg u la phet mardor na katei ka jaka.
