Nongpoh, Nailur 02:Haka jingnang bteng ki kynhun seng bhalang kiba kynthup ïaka Ribhoi Youth Developmental & Social Organisation (RBYDSO), MPUF, bad ka MPSO Women’s wings, ban jurip ïaki dukan Sha bad ka dukan marbam kiba don ha Sor Nongpoh, ki lap ba bun naki dukan bar jylla kim shym la bud iaki kyndon aiñ ban leh khuid haki kamra shet bad kim shym la don ruh iaki kot ki sla kiba biang ha kaba naka liang kitei ki 3 seng ki la khang khyrdep syndon ïa kitei ki dukan ha ryngkat ka jingmana ba kim dei ban plie lada kim lah ban lehkhuid haki kamra shet bad lada kim pat lah ban pynbiang ïaki kot ki sla kiba biang.
Haba kren sha ki lad pathai khubor, u bah Kerbok Malai kum u Secretary ka RBYDSO u la iathuh Hadien ba la dep ban leh iaka jingjurip kynsan ki la lap ba bun naki dukan kim shym la don iaki kot ki sla kiba biang bad bun ki dukan kim shym la suit niew ïaka jingkhuid jingsuba ha kaba ia dei bad ka bam ka dih kaba lah ban ktah iaka koit ka khiah jong ki Paidbah.
U Bah Kerbok u la Pynpaw ruh ba Naka liang ka Seng ka dap daka jingsngewkhia ba kine ki trai dukan kim shym la suit niew ban bud ryntih iaki kyndon katkum ba la buh daka tnad Food and Safety namar ha kane ka sngi lap ba bun naki dukan ki la nang bteng ka jingleh sih leh jakhlia haki dukan bam khamtam haki jaka shet.
U Bah Kerbok Malai u la iathuh ba ka Seng kan nym shong khli kti bad nangne shakhmat ka Seng kan nang bteng ban leit jurip iaki dukan bad ban nang buddien ïaki dukan ba ki la sdang ne em ban lehkhuid bad lada nang lap iaka jingiaid lait iaki kyndon aiñ ka Seng kan nym banse ban shu khang beit iaki dukan.
