Nongstoin, Jylliew 16: Hynnin ka sngi, ka South West Khasi Hills District ki la ioh ban mad ia u lapbah u ba jur bha uba ka jingthew kaba la poi haduh 300.0 mm, katkum ka jing ioh jingtip na u Dr. E.S. Lynshiang, District Disaster Management Officer (DDMO) jongka South West Khasi Hills District.
U la ïathuh ruh ba ki longïing kiba la shah ktah haduh mynta ki don baroh kumba 7 tylli, kata saw tylli na Mawkyrwat Block bad lai tylli na Ranikor Block, bad ki dang don ruh ki wei ki shnong kiba la shah ktah na ka jing wan u lapbah ha ka thain ka ba la jia haka step jong ka 15 tarik jong u bnai Jylliew, 2024.
Shuh shuh la ïathuh ba ha kine ki jingjia, ym shym la don mano mano ba mynsaw ne ki jingjia ba sngewsih katkum ka jingpyntip na u District Disaster Management Officer jongka South West Khasi Hills District, Mawkyrwat.
