KHLAD U RANGBAH HA KA JINGPLUH KAWEI KA IING HA KA THAIN TUIRIAL, MIZORAM

Mizoram, Jylliew 16: Ha kawei ka jingjia kaba sngewsih kawei ka la longing kaba la mad ia ka jingjia kaba sngewsih kthang hadien ba ki thylliej ding ba shyrkhei ym tang ba ki la bam duh ia ka iingsah ka jong ki ha ryngkat ki jingdon jingem kiba la shah bam duh lut kaba la kot da ki phew lak tyngka hynrei ha kane ka jingjia, u wei u rangbah u la duh noh ia la ka jingim kaba kordor.
Kane ka jingjia pluhding kaba la bam duh ia kawei ka iing Assam type, ka la jia ha ka por shiteng miet hashwa ban shai jong ka 16 tarik u Jylliew ba la jia ha kawei ka shnong jong ka thain Tuirial hapoh ka jylla Mizoram.
U Rangbah ba la khlad noh ha katei ka jingjia pluhding ba shyrkhei la ithuh kyrteng kum u T. Lalromana (46) katba ka kurim jong u ne u rangbah kam shem la don ha iing ha ka por ba la jia ka jingjia pluh ding.
Watla ia ka daw tynrai jong kane ka jingjia pluh jong katei ka iing ym pat lah satia ban tip, hynrei na ka liang ki bor pulit ki dang pynlong ia ka jingtohkit.