New Delhi, Jylliew 16: Ka Prime Minister jong ka Ri Italy ka Giorgia Meloni ka la pynpaw ia ka jingieid bad ka jingiatylli hapdeng ka ri Italy bad ka ri India ha kaba kane ka Prime Minister ka la shondur bad ring dur bad u myntri rangbah ka ri India u Narendra Modi ha ka jingialang kaba dang iaid shaphrang jongka G7 Submit kaba la long ha ka ri Italy.
Ia kane ka jingringdur, ka Georgia Meloni, ka la thep ruh ka sla X ka jongka ryngkat bad ka jingkren kaba ong ‘Hello from the Medlodi Team’ katba u myntri rangbah, U Narendra Modi la iohi ba u rkhie phuh mut phuh mat.
U wei na ki nongpyndonkam ia ka sla X, u la kynthoh da kaba ong, ba kane ka Tweet jong ka Georgia Meloni, ka long kawei na kiba shongshit bha bad kaban pynkhein ia ki rekod ha ka pyrthei. U wei pat u nongpyndonkam ia ka X, u la ong, ba ka long kaba sngewtynnad bad kaba ai jingkmen ban sakhi ia ki nongialam jong ki ri bapher bapher ka pyrthei, ba ki sam ia ki khubor halor ban pynneh ia ka jingialong tylli bad ban ia ieid hapdeng ki ri baroh.
