HA KA JINGIAKOP PYNHER TRACTOR, MYNSAW BUN NGUT NABA YM LAH TEHLAKAM U DRIBAR TRACTOR|| PUNJAB’S PHAGWARA

Punjab, Jylliew 16: Ha kawei ka jingjia, katto katne ngut ki briew ki la mynsaw jur hadien ba ki la shah rat ha kawei ka tractor kaba la niah sted bha da u nongniah, kane ka jingjia ka la jia ha ka shnong Domeli ha Punjab Phagwara, ia kane ka jingjia la ioh ban ring dur ruh bad kaba la saphriang bha hapoh ki Social Media.
Bun ngut ki briew kiba la mynsaw ha kane ka jingshah rat ha ka tractor kaba la kynnoh niah torti bad ym lah tehlakam shuh da u nongniah u ba la shimbynta ha kawei ka jingiakop pynher tractor kaba khlem ioh jingbit satia na ki bor district ka Punjab.
La iohi, ba ha kane video kaba la saphriang bha, bun ngut ki riew paidbah ha ryngkat ki trai jong ki tractor bad katto katne ngut ki khynnah kiba la ieng ban peitkai ia ka jingiakop pynher niah tractor, kiba la shah rat ha kawei ka tractor ba saw kaba la pynher sted da u nongniah bad u ba khlem lah shuh ban tehlakam ia ka tractor namar ka jingsted jong ka kali.
Ki riew paidbah, kiba la sakhi ia kane ka video kaba la pynlait ha ki social media, ki la pynrem jur ia ka sorkar jylla Punjab’s Phagwara halor ka jingailad ia kum kine ki jingiakop pynher kali kiba khlem bud thik ia ki kyndon ain bad kiba la buh jingma pat ia ka jingim jong ki briew, ki la dawa ruh, ba ki bor ka sorkar jylla jong ka Punjab ki dei ban siew ia ka bai sumar ia kito kiba la mynsaw ha katei ka jingjia.