Tura, Jylliew 16: U Saleng A Sangma, u Member of Parliament (MP) na Tura Parliamentary Seat jong ka party Congress, u la kynthoh jur da kaba kynthoh ruh, ba ia u Dr. Mukul Sangma u ba dei u Myntri Rangbah barim ka jylla Meghalaya bad u Zenith Sangma, Myntri Sorkar jylla barim kiba la pyniasoh sha ka party TMC, yn nym lah ban shaniah ia ki da leilei ruh em.
Ia kane ka kyntien, u Saleng Sangma u ba la iehnoh ia ka kam kum u MLA na ka Gambegre hadien ba u jop kum u MP na Tura, u la kren hadien ba la mih ki jingkylli, la ka party Congress kan pdiang biang ne em lada u Dr. Mukul Sangma bad u Zenith Sangma ki thmu ban rung biang shapoh ka party Congress??
Haba jubab, ia ka jingkylli, u Saleng u la kren beit phak da kaba ong, ba ia kine ki arngut ki nongialam seng sain pyrthei ba kynthup ia u Mukul bad Zenith ki dei ki briew kiba la duh ka jingshaniah na ki paidbah bad wat na ki para nongialam seng sain pyrthei, bad ka Congress kan nym pdiang shuh ia ki da leilei ruh em ban rung shapoh ka party namar lada kine ki arngut ki rung shapoh ka Congress ka lah ban wanrah shibun ki jingbym ia sngewthuh jingmut hapdeng ki nongialam, pynkut u Saleng Sangma.