Guwahati, Risaw 03: Ki Pulit ka Nongbah Guwahati lyngba ka Crime Branch dang shen ki la ioh ban  kem ia 2 ngut ki runar ba la kynnoh don kti ha kaba pyniaid ia ki pisa thok (FICN) ha ka thain Guwahati. Kine ki 2 ngut kiba la shah kem ha ki Pulit ka Guwahati ki kynthup ia u Siddik Ali (47) bad u Nizaramuddin (43), baroh ar ngut ki dei na Laluk North Lakhimpur, Assam.

Kumba la pynpaw paidbah ha ka rynsan social media lyngba ka Police Commissionerate Guwhati, la iathuh ba ki la ioh ban kem ia kitei ki snar nongpyniaid ia ki pisa thok, ka dei hadien ba ki la ioh ia ka jingtip kaba bniah ba ki don kti ha ka kam pyniaid ia ki pisa thok bad ha ka jingleit khynra ki la ioh ban kem ia kitei ki ar ngut bad ruh la ioh ban kurup ia ka song pisa thok kaba la kot sha ka Rs. 9 lak tam.

Halor kane ka jingpyniaid ia ki pisa thok, ki Pulit ka Crime Branch Guwahati, hadien ba la kem ia kitei ki 2 ngut bad ba la ioh ban kurup ia katei ka song pisa, ki la dang pynlong ia ka jingtohtkit ban dang wan bniah ia kine ki kam pyniaid ia ki pisa thok bad ruh ki la pyngngat ruh ia ki katkum ki kyndon jong ka aiñ.