Nongpoh, Risaw 10: Kawei ka Kali jong ka Meghalaya Hight Court  ka la shah sloit noh ia ka Siren bad ruh ïaka VIP Light ha ka jingkhynra Kali ha Nongpoh, kaba dei halor ka jingpyndonkam bakla ia ka bor da u Dribar katei ka Kali khlem da don kita  ki heh ka Meghalaya High Court lane ki (VIP) hapoh katei ka Kali.

Kane ka Kali ka don ia u Number ML 05-AB- 3209 bad kaba don ia ka jingthoh ‘Duty on Meghalaya High Court’ ha kaba hapdeng ka jingkhynra Kali ba la don lang naduh u u DC, SP bad DTO ka Ri Bhoi, katei ka Kali ka shah pynsangeh bad shah sloit ia ka Siren bad ka VIP Light ka dei namar ba u dribar u la pynpah ia ka Siren bad pynmeh ia ka VIP Light khlem da don kita ki briew ba dei ban don lane kita ki VIP kiba la ai bor da ka sorkar.

Kum ban pynkynmaw, ha ka jingkhyra ia ki Kali ba pynkheiñ ba la ju bteng na ka por sha ka por ha Ri Bhoi, u SP ka Ri Bhoi u VS Rathore dang shen u la dep mana lypa ba kin nym map ia kino kin ki Kali kiba pynkheiñ ain la ki dei ki Kali paidbah ne ki Kali sorkar, ha kaba baroh kin ngat lang ha ki juh ki kyndon lada ki pynkhein ain bad kane ka jingpyrkhing ka dei namar ba bun ki jingjia ba sngewsih ki ju jia tang namar ba don kita ki Kali ba pynkhein ain.