Shillong, Risaw 19: Ka Shillong Central Rongali Bihu Celebration Committee bad ka Sankardev Cultural Centre mynta ka sngi ka 19 risaw 2025 ki la pynlong ia ka jinglehkynmaw burom ia u riew nohsynniang bad u nongrwai ba pawnam Jong ka jylla assam u Zubeen Garg ha Deva Kumar Das Memorial hall Bishnupur Shillong
Ka jingpyndon burom kaba la pynlong ha ka jingkynmaw ieid ia u kaba la kylla long ruh pynban sha ka jingpyndonburom lyngba ki kolshor(cultural tribute) kaba wanrah ruh ia ka jingdawa ia ka hok bad jingshisha lyngba ka jingiakhih kaba dang iaid sha khmat kaba la tip kum ka #Justiceforzubeen campaign
Ha kane ka lympung kaba tlem, la pynrwai ruh ia ka jingrwai Kirtan kaba dei ka jingrwai Jong u Zubeen bad u borgeet kaba la pynkylla sha ka dur Jong ka jingdwai, ki jingkren ba sngewmyllung bad ka jingiasoi kyrteng da ki paitbah kaba pynpaw ia ka jingangnud kaba rangbah ban ioh iaka jingshisha bad ka hok. Hapdeng ka jingiapyrta shla bad ki sur ba thiang, ki nongput nongtem, ki nongrwai bad ki kynhun pynneh kolshor ha shillong ki la ia tylli lang kawei ban leh burom ia une u riewkhraw haka rwai ka siaw ka tem ka put bad ruh ka la long kum ka lyer ba beh jaijai kaba dang pynrhem shuh shuh ia ka jingthrang Jong ki paitbah ba ka sur ba thiang Jong ka hok na ka bynta jong u Zubeen kan ym jah noh
Ha kane ka sngi la pynlong ruh ia ka jingthung ia u syntiew Nahor kaba long ruh kum ka dak Jong ka jingkyrmen bad ka jingpynthymmai. U Minister Jong ka transport department Jong ka jylla Meghalaya u Bah Sanbor Shullai u ba la iadon ryngkat lang ha kane ka sngi, u la iathuh ha ka jingkren Jong u ba u dang shu ia kynduh shen bad u Chief Minister Jong ka jylla Assam u Himanta Biswa Sarma bad ba u la dawa ruh ban pynioh ia ka hok na ka bynta u Zubeen Garg na ka bynta ki briew Jong ka Assam bad ka thain shatei lam mihngi hi baroh kawei
Dr Diganta Das, uwei na ki dkhot Jong ka Shillong Central Rongali Bihu Comittee haba ai jingkren u la pynpaw ba kane ka Jingleh burom kam dei tang ka jingkynmaw ieid ia u Zubeen bad ki jingrwai Jong u, hynrei kadei ruh ka Jing kular ban iai iaid shaphrang ha ka jingwad ia ka hok lyngba ka jingiatylli bad ka jingshongsuk.