Nongpoh, Risaw 22: Ka 2nd Inter School Sport’s Meet 2025 ba lai sngi, kaba dei ruh ka lympung ialehkai hapdeng ki khynnah skul bad ia kaba la pynlong da ka ophis Samagra Shiksha Abhiyan (SSA) Nongpoh ha Mawhati, la plie paidbah da u Dr. Evarist Myrsing, uba dei kum u CEO ka Ryntih Sports & Cultural Club, Shillong bad ruh kum u Asst. Project Director, HRDS-INDIA, New Delhi.
Ha katei ka sngi, ba la plie ia katei ka ka 2nd Inter School Sports Meet 2025, nalor ka jingdon u u Dr. Evarist Myrsing, ia ka jingialang la pyniaid da u Edmund Marten, uba long kum u CRC, nangta ki briew na ka BRP na ka ophis jong ka Samagra Shiksha Abhiya
Nalorkata, ha katei ka sngi la sakhi da ka jingdon ki Nonghikai, ki kmie ki kpa bad ki nongshong shnong jong ka thain Mawhati, ha kaba ki la la wan ban sakhi bad ban pynphuh pynphieng ia katei ka sngi ba la plie ia ka 2nd Inter School Sport’s Meet 2025 bad kaba la wan ban shimbynta da ki 18 tylli ki skul bad kumba 350 ngut ki nongiashim bynta ha ki jingiakop bapher bapher.
Haba kren ha katei ka sngi, u Dr. Evarist u pynpaw ka jingiaroh bad jingsnegewnguh kaba khraw ia ka ophis SSA, Nongpoh, kaba la shimkhia ban pynlong ia katei ka Inter School Sports Meet ba lai sngi ha Madan Mawhati, ha kaba na ka jingdon kiba kum kitei ki rynsan ne ki lympung, ka la long kum kawei na ki rynsan ban sei madan ia ka sam ka phong jong ki khun samla na ka dong ka thain.
Ha kawei pat ka liang, u Dr. Evarist Myrsing, u la pynpaw ia ka jingbynniaw halor ka jingduna ki shlem ai jinghikai ban kilan met, ki jingduna halor ki jingbam ba tei ia ki nongkilan met ba biang lem bad kiwei, ha kaba u la pynpaw ruh ba ka them Ri-Bhoi, ka pynmih bun ki khlur ialehkai ha ki rynsan bapher bapher.
