Nongpoh, Risaw 23: Kumba la kular, ki pulit ka Ri-Bhoi khlem da pynslem kila pynsted ïaka jingtohkit ba tang hapoh 2 taiew kila kila pyndep ïaka jingtohkit bad pynngat kyndon ïa u runar u ba la batbor bad pyniap ïaka heprit ha kawei ka shnong ha Ri-Bhoi District.
Kum ban shu pynkynmaw ba u runar bala tip kyrteng kum u Iainehskhem Kharsati 22 snem ka rta naka shnong Kalapangti, Ri-Bhoi District u la leh ïaka kam pohjait da kaba batbor bad pyniap syndon ïa kawei ka heprit haka 9 tarik Risaw bad ki pulit kila ioh ban kem noh ïa u haka step jong ka 11 tarik, u ba la phla ruh ba u la leh ïa katei ka kam pohjait bad pyniap syndon ïa katei ka heprit.
Naka liang ka Kong S Ryngksai UBSI kala shimkhia ban tohkit ïa katei ka case da ka jingïarap lang jong ki para pulit, ki nongïalam shnong, ki VDP bad kiwei kiwei bad la chargesheet ne pynngat kyndon noh ïa utei u runar haka 22 tarik Risaw ha Nongpoh Women Police Station