Nongpoh, Naiwieng 05: Ban bteng ïaka jingkyrshan naka bynta ki Nongpang TB ban pynioh ïaki iaki Marbam kiba tei met, Ka Ophis District Tuberculosis Ophisar, Ribhoi District Lyngba ka Pradhan Mantri TB Mukt Bharat Abhiyaan (PMTBMBA) ka ïoh ïaka lad ban pynbiang ïaki Marbam kiba tei met (Nutritional Food Basket) Sha ki Nongpang TB kiba hap hapoh ka Byrnihat PHC kiba dang don hapdeng ka jingsumar.

Ïa kitei ki Marbam la lah ban sam sha ki Nongpang TB kadei lyngba ka jingshimkhia da u Deputy Commissioner ka Ribhoi U Abhilash Baranwal, IAS, uba la shim khia ban ïa kren ïaki nongpyniaid ïaki Petrol pump lane ki retail outlet kiba kynthup ïaka HPCL, BPCL bad ka IOCL ba kin ïarap ban kyrshan daki Marbam sha ki Nongpang TB kiba dang shah sumar.

Ha katei ka sngi, la wan ban ïadonlang da u Abhilash Baranwal, IAS, Deputy Commissioner ka Ribhoi kum u kongsan, haka jingiadonlang u S. Kumar Divisional Head IOCL, Guwahati, E. Pradhan, IAS, Assistant Commissioner, Bah R.C Lyngdoh Superintendent of Excise, Dr. E Kalwing District Tuberculosis Ophisar, Ribhoi, lem bad ki Trai bad ki Manager jong ki Petrol Pump ka Ri Bhoi.

Kane ka jingsam iaki Marbam sha ki Nongpang TB ka dei ruh ka sien ka baar hadien ba la dep ban sam iaki barbam sha ki Nongpang TB kiba hap hapoh ka Umsning TB Unit kaba la kyrshan daki Petrol Pump naki company IOCL, BPCL bad ka HPCL bad ha kane sngi nalor kitei ki trai petrol pump la kyrshan lang ruh daki trai jong ki wine store ban pynbiang iaki Marbam hakaba la ioh pat   ban pynbiang iaki Marbam tei met sha ki 47 ngut ki Nongpang TB hapoh ka Byrnihat PHC kiba dang don hapdeng ka jingshah sumar.