Nongpoh, Naiwieng 05: Kawei ka Motorbike Yamaha  kaba don ia u number AS 01 AY 4293 ka la ingkhong syndon ha poh ka surokbah, hadien ba u Nongñiah katei ka Motorbike u la leit ban tynrah ia kawei ka Scooty kaba don ia u Number ML 10 B 6349 haduh ba ka la kem ding ha surok.

Katkum ka tyllong khubor ba la ioh lum, la ong ba katei ka Motorbike ka dang thmu ban hiar sha Guwhati bad hadien ba la poi mar pyrshah bad ka ophis u Deputy Commissioner ka la leit ban tynrah kynsan ia ka Scooty bad hadien kata ka la kem ding kynsan.

La iathuh ruh ba u Nongñiah katei ka Motorbike tang hadien ba la dep tynrah u la bret ia ka helmet bad u la phet krad noh ia lade bad katei ka Motorbike pat ka la kem ding bad da ka jingwan poi kloi ka kali pynlip ding la lah ban pynlip noh ia ka ding kaba la pluh ha katei ka Motorbike.

Halor kane ka jingjia, ki Pulit ka tnad Traffic na Nongpoh ki la wan poi mardor ban pynlong ia ka jingtohkit ha kaba haduh ba la thoh ia kane ka khubor ym pat ioh satia ka kyrteng kiba ñiah ia ka Motorbike bad ka Scooty, namar na ka liang ki Pulit ki dang pynlong ia ka jingohtkit bad ruh ban leh katkum ki kyndon jong ka aiñ.