U Shiladitya Chetia ba dei u heh pulit IPS jong ka jylla Assam ba bat ruh kum u Secretary Home bad Political u la shim noh ïala ka jingim da kaba siat ïalade da ka suloi tang hadien ba ki doctor kila pynbna ba ka lok jong u kala khlad noh ha hospital namar ka jingshitom bampong kaba la neh kumba katto katne por.
U Shiladitya Chetia u dei ruh u ophisar IPS naduh u snem 2009 batch, bad u la long ruh u Superintendent of Police ka Tinsukia bad Sonitpur District bad ruh kum u Commandant jong ka 4th Battalion shuwa ba un shah thung kum u Secretary Home bad Political jong ka jylla Assam, hynrei tang hadien ba ki doctor kila pynbna ba ka long jong u kala khlad noh utei u heh ophisar u la siat syndon ïalade ha kamra ICU ba thiah ka lok jong u katkum ka tyllong khubor bala ioh lum.
Naka liang u GP Singh kum u heh pulit jong ka jylla Assam u la pynpaw ka jingsngewkhia haka rynsan X bad kum ka tnad pulit baroh kawei ka dap da ka jingsngewsih kaba khraw halor ka jingduh noh ïa uwei u heh pulit jong ka jylla Assam.
DA KA SULOI PYNKUT U HEH PULIT IPS ÏALA KA JINGIM HADIEN BA KHLAD NOH KA KURIM
