Nongpoh, Nohprah 06: Ka Ri Bhoi Youth Federation (RBYF) kum ka seng kaba peit kyrpang ïa ka Ri Bhoi District mynta ka sngi ka la phai khmat ruh ban ai ka jingshakri sha ki shnong khappud ka Ri Bhoi bad ia kane la sakhi ba mynta ka sngi kane ka seng ka la lah ban pynskhem ia ki nongialam ba thymmai ka RBYF Umtyrnga Unit.

Ia kane ka jingialang ban pynskhem ia ki nongialam ka RBYF Umtyrnga Unit la pynlong ha ka Shnong Umtyrnga bad la sakhi da ka jingdon lang ki nongialam ka RBYF ba kynthup ia u Bah Wanpher s Wahlang – publicity and information secretary, u Bah Bawan Marwein – Fiance Secretary, u Bah Never Makdoh, Sports Secretary, u Bah Rishan Nongri Assistant Education Secretary lem bad kiwei kiwei ha ryngkat ka jingdon lang u Rangbah Shnong ka Umtyrnga u Bah M. Marbaniang.

Ki nongialam ba thymmai ka RBYF Umtyrnga Unit ki kynthup ia u President ba la jied ia u Bah Probinus Nongrum,  Vice President Mashkula Pyngrope, General Secretary Teishon Kshiar,  Assistant Secretary Johnry Tangsang, Finance Secretary Ricky Lyngshiang, Sport Secretary Kyrshan Khongjoh lem bad kiwei kiwei ki dkhot bad ki nongialam kane ka Unit.

Ia kine ki nongialam ka RBYF Umrtyrnga Unit la pynskhem da u Bah Wanpher S. Wahlang uba dei u Publicity cum Information Secretary ka RBYF ha ryngkat ka jingdon lang kitei ki nongialam.

Kumba la pynpaw da kitei ki nongialam, ka thong kaba ka RBYF ka pyniar ia kane ka shnat treikam sha ki shnong khappud kum sha Killing, Baridua, Khanapara bad mynta ha Umtyrnga ka dei ka jingangnud ka seng ban phai khmat kyrpang ia ka jingeh ki shnong ha khappud. Ki la ong ruh na ka por sha ka por ki ju mih ki jingshah thombor paidbah ha kitei ki shnong khappud, hynrei da ka jingdon ki nongialam bad ki dkhot ka seng kin shim lem ia kata ka jingkitkhieh ban iada ia la ki paradoh ki parasnam ha kitei ki shnong khappud.

Shuh shuh, ki la kyntu ruh ia kine ki nongialam ka Umtyrnga Unit ba kin don ia kata ka jingkitkkhlieh ban shakri ia ka eh ka shong ki paidbah ha kitei ki shnong khappud bad ym ba ki wan ban rung sha ka seng RBYF na ka bynta ka jingmyntoi shimet bad ka jingpyniar ka RBYFia ka shnat treikam ka dei ka thong ban ai jingshakri kaba bha tam na ka bynta ki paidbah ha kitei ki shnong khappud.