Nongpoh, Jylliew 13: Ki Nongialam ka Hills Farmers Union (HFU) Central Body, mynta ka sngi ki la hiar sha Bhoirymbong bad kata ka long, na bynta ban pynskhem ia ki nongkitkam ba thymmai ka HFU Bhoirymbong Block na bynta ka samoi treikam jong u snem 2026-29.
Ia kitei ki nongialam ka HFU Bhoirymbong Block, la leit ban pynskhem da u Bah Commingstar Kharumlong, Vice President ka HFU Central Body, ha ryngkat ka jingdon u Bah Rymphai Kharkongor, Asst General Secretary, u Bah Ialambha Mawrie, Organising Secretary lem bad kiwei.
Ki Nongkitkam ka HFU Bhoirymbong Block kiba la shah pynskhem ha katei ka sngi, ki kynthup ia u Bah Soiroi Nongkynrih, kum u President, u samla Elbert Roni Ramde, Vice President, u Monlang Thangkhiew kum u General Secretary lem bad kiwei pat kiba long kum ki dkhot ka HFU.
Sa pule ruh: Pynkup Burom Ka FKJGP Ïaki Nongïalam Bad Ki Dkhot Ka Kynhun Ba Ju Synñiang Snam
Haba shim kyllum ia ka jingkren da ki nongkren ha katei ka sngi, ki la ong ba ka jingialeh jong ki ban pynkha ia ki shnat treikam ha ki shnong bapher bapher, ka long ban wanrah ia ka jingiatylli hapdeng ki nongrep, khnang ba yn ioh ban pynsngew sha ka pyrthei halor ka jingeh kaba la kynduh da ki nongrep ha ki shnong bapher bapher.
Ki la ong ruh, ba lyngba ka jinglah ban shna ia ki shnat treikam ha ki shnong ki thaw, khnang ba yn lah ban pyniatylli hapdeng ki nongrep ha kylleng ki jaka, la ka long ha Ri Bhoi ne ha Ri Lum Khasi bad Jaintia hi baroh kawei.
Sa peit ruh
