Nongpoh Naiwieng 26: Ban ia kit ia bah bad ban ia peit lem ia ka bha ka miat jong ki samla Khasi ba pule ha Mahatma Gandhi University Byrnihat kum kita ki samla pule, ka KSU MGU Unit hadien ba la kut ka samoi treikam mynta ka sngi ka la pynthymmai baing ia ki nongialam, kaba dei hadien ba ka samoi treikam jong ki nongialam barim ka la kut.
Na ka liang ka KSU MGU Unit ha kane ka sngi, hadien ba la shimti ia ka kam da ki nongialam ba thymmai, ka la pynkup burom ruh ia ki nongialam barim kum ka jingburom halor ki kam ba ki la shakri ia ka seng ban peit ban khmih na ka bynta ka bha ka miat jong ki samla pule Khasi.
Ia kine ki nongialam ba thymmai ka KSU MGU Unit la wan ban pynskhem da u samla Reuben A Najiar Assistant General Secretary KSU snegkmie, ha ka jingdon ryngkat u Samla Banjop Maring Assistant Secretary ka KSU NKHD u Samla Toning Lapang Education Secretary NKHD, u Samla Melajied Khongbuh Information & Publicty Assistant Secretary sengkmie, u samla Prokerlius Rynshonlem President KSU MGU Unit bad ki dkhot ka KSU na ka Skulbah USTM bad ki dkhot ka KSU MGU Unit.
Ha kane ka sngi, kitei ki nongialam ka KSU na sengkmie bad na Ri Bhoi Distirct ki la ai ruh ki kyntien sneng ki kyntien kraw ia kine ki nongialam ba thymmai ka KSU MGU Unit bad ki kyrmen skhem ruh ba kin shim ia ka lyngkor nongialam na ka bynta ka jingbit jingbiang ki para samala ba pule ha katei ka skulbah ha Byrnihat.
