Kum kawei na ka thong ban kyntiew ia ki kam pynroi bapher bapher hapoh ki shnong ki thaw ha ka jylla bad ka ri, ka ophis u Block Development Officer ka Jirang C&RD Block ha ka 2 tarik u Risaw 2024 ka la pynlong ia kawei na ka jingialang ba la tip kum ka Gram Sabha Meeting lane ka Village Council Meeting ha ka shnong Umtang, kaba dei kawei na ka shnong ba hap ha ka Jirang C&RD Block ha Ri Bhoi District.
Kane ka jingialang ban ia tai halor ki kam pynroi bapher bapher, ka dei katkum ka jingbtah lyngba ka sorkar India na ka Ministry of Panchayat Raj bad la iatrei lang ruh bad ka sorkar Meghalaya lyngba ka tnad Community and Rural Development.
Ha kane ka sngi, la pyntip paidbah haduh 700 tylli ki shnong ha ka ri India ki la ioh lad ban pynlong kum kane ka jigialang bad a Shnong Umtang ha Ri Bhoi, ka dei kawei na ka shnong ba la shah jied na ka bynta ban pynlong kum kane ka jingialang ban ia kren halor ki kam pynroi bapher bapher bad ki skhim sorkar bapher bapher ban kyntiew ia ki kam pynroi sha ki shnong ki thaw hapoh ka ri India.
Ha kane ka sngi, la ai jingbatai shaphang kata ka Village Level Development Plan bad kumjuh ruh ia ka thong ba ki paidbah nongshong shhnong ki lah ban shna ne buh ia kino kino ki kam pynroi na ka bynta ka shnong, kiba dei ki kam pynroi ban ioh lyngba ki skhim bapher bapher ka sorkar India.
Lyngba ka Village Level Development Plan, ka la don ruh ka jingshim rai ki SHG lyngba ka Village Organization sha ka Village Poverty resilience Plan ba la pynkhreh da ki SHG bad ka Village Organization ha kaba la aiti sha u rangbah shnong na ka bynta ki kam pynroi ban pyntreikam ha katei ka shnong.
Ha kane ka sngi, u MLA ka Jirang u Bah Sosthenes Sohtun u la wan ban shim bynta kum u kongsan ban ia don bynta ha kane ka jingialang bad la sakhi lang ruh da ka jingdon lang u Block Development Officer ka Jirang C&RD Block u Dr. P. Hajong, ki ophisar sorkar, ki rangbah shnong bad kynthup ruh k paidbah nongshong shnong ka shnong Umtang.
