Nongpoh, Jymmang 23: Kum ka jingai mynsiem ia ka Heprit Rikyrpang Wahlang kaba long kawei na ka heprit kaba la kham paw ha ka kam rwai ha ka jylla, u MLA ka Umroi Constituency u Bah Damanbait Lamare hynnin ka sngi u la plie paidbah ia ka Music Video ba la ai kyrteng , “Trai Nga Wan Phai” ha ka jingialang kaba la long ha RBP Synod Secondary School Lumsohpieng, Bhoirymbong.
Kane ka music video ka dei kaba la rwai da ka Heprit Rikyrpang Wahalang bad la pynmih da ka Kong B.D Maring ba la pynlait paidbah ha ka Youtube Channel Rikyrpang ba la pynbit pynbiang ha David Studio ba la long trai da u Bah David Kharkongor.
Ha kane ka sngi nalor u Bah Damanbait Lamare kum u nongmihkhmat paidbah la don ryngkat ruh kiwei kiwei ki riew rangbah, ki nonghikai, ki khynnah skul bad kiba haing hasem katei ka heprit.
Ka Rikyrpang Wahlang ka la kyrpad ruh ia ki paidbah ka jylla ban ai lem ka jingkyrshan da kaba shar bad subscribe kum ka jingai mynsiem iaka, ba kan dang lah ban pynmih shuh shuh ia kiwei kiwei ki jingrwai kiba don jingmut bad kiba ai mynsiem ym tang ha ka jingim ba kynja mynsiem bad na ka bynta ka bha ka miat jong ka imlang ka sahlang.
Na ka liang u MLA ka Umroi Bah Damanbait Lamre haba kren ha kane ka sngi u la pynpaw ia ka mynsiem jong ka jingkmen ban pynlait paidbah ia kane ka Music Video, namar ha kine ki sngi ba mynta la dang mih bun ki samla don sap ha ka rwai ka siaw, ka put ka tem bad kiwei ki sap kyrpang ba la ai da u Blei.
Sa Peit Ruh