Ka Spain bad ka France kin iakhun ïa ka jingiakhun semifinal ba nyngkong jong ka European Championship 2024 mynta ka miet haka por 12:30 ha Munich Football Arena, bad kan dei ruh ka jingïakhun kaba heh ka ban pyndait bñiat ïa kiba bun ki nongpeitkai bad ki nongkyrshan.
Ka Spain ka dei kawei naki kynhun ïalehkai kaba khlaiñ ha kane ka kynti kaba mynta bad ka dei kawei na ki kynhun kaba thep bun kol ha kane ka lympung, katba ka France mynta ka kynti ka hap ban shaniah ïaka kol ha u Kylian Mbappe u ba dei uwei naki rang thep kol ba tbit ryngkat ka mask kaba u dang deng namar ka jingshitom haka khmut.
Ka jingiakhun Semi Final kaba ar kan long haka 11 tarik haka por 12:30 mynstep.
Ka kynhun kaba jop ha kane ka semifinal kan ïakhun pyrshah ïa ka England lane ka Netherlands ha ka phainal kaban long ha ka sngi U Blei ha Berlin.
