Nongpoh, Jymmang 13: Hadien ka jingther u lapbah ba la neh kumba 30 minit ei ei bun na ki Klai paidbah ba leit ba wan ki la sahkut ha ka jingshlei kaba la jia mynta ka sngi ha ka por 12 baje ei ei mynsngi.
Na kane ka jingshlei um kaba ktah na ka jingther u lapbah ka la ktah ruh ym tang ia ki Kali ba leit ba wan, hynrei kaba kham ktah shuh shuh ka dei ia ki nongshong dukan ba ka um jaboh ka la rung sha ki dukan bad ka la buh jingeh bha ia ki.
Kane ka jingjia ka dei ha khappud Meghalaya bad Assam ha ki bynta jong ka Jorobat, hakaba da ka jingshlei um bun ki Kali paidbah ki la sahkut ha surok bad na ka bynta ka leit ka wan la hap ruh ban pynkynriah ia ka jaka leit ki Kali paidbah.
Da ki phew tylli ki Kali ki la sahkut ba kynthup naduh ki Bus bad ki Kali rit, kiba la sahkut hapdeng jong ka jingshlei um.
Kane ka jingshlei um ka la ju jia na ka por sha ka por khamtam tang shu jur u slap ki paidbah ki kynduh mawsiang ha ka leit ka wan bad khamtam ki nongshong dukan bad ka daw tynrai jong ka jingshlei ka dei na ka daw ka jingbym biang ki Nala um ha kane ka surokbah.
