Uwei u nongialam ba ha khlieh jong ka seng lehnoh Kuki National Army (KNA) ryngkat bad ki arngut ki nongbud jong u, ki la iap ha ka jingshah thombor bad shah synreit kuli ha Manipur ha Churachandpur district ha ka sngi Nyngkong.
Ha katei ka jingsynreit kuli kawei ka longkmie kaba 62 snem ka rta kala shah synreit kuli lang bad khlad noh hashen na kane ka sla pyrthei.
Kane ka jingthombor ba shyrkhei ka la jia hapdeng ka shnong K Mongjang bad ka shnong Singlun ha kaba ka kynhun ki riew kieng atiar ki bym lah ban ithuh ki la synreit kuli naphang ha kawei ka kali Creta katba u dang ïaid ryngkat bad 2 ngut ki nongbud haka shiteng sngi jong ka sngi nyngkong.
Utei u nongïalam jong ka KNA uba la shah pyniap ba dei ruh u deputy commander-in-chief, la tip kyrteng kum u Thenkhothang ba ju khot sien kum u Thahpi (48 snem) katba ki nongbud jong u kiba la khlad lang ha katei ka jingshah thombor ki dei kiba la tip kyrteng kum u Seikhogin (34) bad u Liengouhao Singsit (35).
Tang hadien katto katne por naka liang ka United Kuki National Liberation Army (UKNA) kala kam ba ki shipai jong ka kila leh ïa katei ka kam kum ka kput pyrshah ïaka jingshah pyniap jong uwei na ki nongïalam jong ka ha u bnai Risaw jong u snem ba la dep bad palat 30 ngut ki briew ha ka KNA.
