Ka jingther u lapbah haka ri Nepal kala wanrah ka jingshlei um kaba jur bad ka jingtwa khyndew kaba la wanrah ruh ka jingjulor ki iing ki sem, ki lynti ki syngkien, bad wat ki kali kila shah rong bad shah tap haka um.
Ha kane ka jingshlei um kumba 148 ngut ki briew kila khlad, bad kumba 59 ngut ki dang jah rngai bad bun ngut ki paidbah kila mynsaw ha kane ka jingshlei um bad twa khyndew ha kaba naka liang ka kynhun pynlait im ka dang ïakhun kat lah kat iai ban ioh pynlait ïaki paidbah.
Bun naki skul bad ki college kila hap ban khang khyrdep noh namar ka jingktah jong ka jingshlei um.
