70.18 Lakhs Ïoh Ka Skul Pahamrioh Govt. LP School Ban Shna Building Thymmai, Buh Mawnongrim U MLA

Nongpoh, Nailur 29: Ka Pahamrioh Government LP School, kaba la rim bad kaba la don hapdeng ka jingeh kaba khraw naka jingjot rathai jong ka iing skul, kan sa ioh noh ïa ka building thymmai hadien ba la mang pisa haduh 70.18 lakhs lyngba ka Mission Education jong ka tnad pule puthi ka sorkar jylla.

Ha kane ka sngi, u Bah Mayral Born Syiem, MLA ka Nongpoh, u la wan ban buh ïa u mawnongrim jong ka building thymmai, ha ka jingïadonlang u Dr. Abhishek Saini, Deputy Commissioner ka Ri-Bhoi, Bah R. Shadap, DSEO Ri-Bhoi, P.P. Yadav, SDSEO, Bah N.N. Ryndong, Rangbah Shnong bad Chairman ka SMC, ki nonghikai, ki kmie ki kpa, ki khynnah skul bad ki nongshong shnong.

Ka jingtei ïa ka building thymmai ka long ka sienjam kaba kongsan ban pynbiang ïa ka jaka pule kaba shngaiñ bad bit biang ïa ki khynnah, khamtam ban ïada ïa ki na ka jingeh kaba mih na ka jingjot jong ka iingskul kaba rim bad na ka jingshah ktah ha u slap bad ka lyer.

Ha kajuh ka sngi, u MLA u la aiti ruh ïa ka work order kaba T.6 lakh ban pynbha bad shna ïa ka ïing Dorbar jong ka shnong. Nalor kata, la mang ruh T.30,000 ban pynbha ïa ka lynti kjat, ryngkat bad ka jingai ïa ki khiew, ki shuki bad kiwei kiwei ki tiar kiba donkam ïa ka shnong.

Pule ruh: Risa Ki Paidbah Ba Wan Poi Ka Team India Bad West Indies Ha Guwahati Shwa Ka 2nd ODI Match

Haba kren ha ka jingïalang, u Bah Mayral Born Syiem u la ong ba ka Mission Education jong ka Sorkar Jylla ka don ka thong ban pynbha bad kyntiew ïa ki skul sorkar kiba la jot bad donkam jingïarap ha kylleng ka jylla.

U la pynpaw ruh ba ka jingpule puthi ka long kaba kongsan bha, khamtam ïa ki khynnah kiba wan na ki longing kiba duna ka ïoh ka kot. Ka jingdon jong ka skul hapoh ka shnong ka pynsuk ïa ki khynnah ban ïoh ïa ka jingnang jingstad khlem da hap ban leit jngai.

Peit ruh:

U MLA u la ong ba ka Pahamrioh Government LP School ka la ïakynduh bun ki jingeh ha kaba ïadei bad ka jinglong jong ka building, bad kumta u la shimkhia ban rah ïa ka mat sha ka Sorkar ban pynmang pisa na ka bynta ka jingtei ïa ka building thymmai. shngaiñ, kham bit bad kham biang na ka bynta ki khynnah jong ka shnong Pahamrioh.