Ha kawei ka jingjia aksiden kaba la jia hynne ka step ha surok iaid kali hajan ka shnong Jengjal, kawei ka longkmie lem bad arngut ki rangbah, ki la khlad noh hashen, hadien ba katei ka Auto ba ki shong, ka la shah tynrah ha kawei ka trok kaba wan na ka liang pyrshah.
Ki tyllong khubor, ki iathuh ba u nongniah jong katei ka Trok, u la phet krad noh na katei ka jaka, hadien ba katei ka trok kaba u niah ka la leit ban tynrah beit nakhmat jong katei ka Auto Rickshaw bad kaba la wanrah ia ka jingkhlad hashen jong lai ngut ki briew.
Kitei kiba la khlad hashen ha katei ka jingjia aksiden, ki dei kiba la tip kum ka Kerolina D Sangma, u Mohan D Sangma bad u Sli T Sangma, kiba dei na ka shnong Wategre.
