Shillong, Lber 03:  U Lamphang ka ïing dorbar thaw aiñ ka jylla u Thomas A. Sangma mynta ka sngi u la plie paidbah ia ka lympung ki sala ba ar sngi bala tip kum ka ‘Youth Parliament 2026’ ba la pynlong da ka Tura Christian College’s Political Science Department ha District Auditorium Hall ka West Garo Hills.

Haba kren kum u kongsan ha kane ka sngi, u Thomas A. Sangma u la ong ba u dap da ka mynsiem jong ka jingkmen ban iohi ha ka sien kaba nyngkong ia ka jingiakynduh lang ki samla (Youth Parliament) bad u la iaroh ruh ia ka College, ki bor pyniaid ka College bad ruh ki samla pule bad ki nongpynlong ia kane ka lympung ki samla ban ai jingtip ia ki samla halor ka dor jong ka jingsynshar paidbah.

“Ka ïing dorbar thaw ain ka de ka jaka ba ki samla ki la ioh jingmut, ki jingkylli jingkylli, ka jingiatai bad ka jingshim rain a ka bynta ka jingbha jingmiat ki paidbah. Kane ka Youth Parliament ka ailad ia ki samla pule ban tip ruh kham bha ia ka rukom treikam jong ka jingsynshar paidbah (Democratic Process)” u la ong.

Da kaba shim ruh halor ka phang jong kane ka Youth Parliament- “ The Voice of Youth: Shaping the future of governance”, u Sangma u la ong ba ka lawei jong ka jingsynshar paidbah ka dei ban pyntip, ban kitkhlieh bad ruh ka jingkitkhlieh jong ki nongshnong shnong.

Shuh shuh, u la kypar ruh ia ki samla kiba la wan ban shim bynta ha kane ka Youth Parliament ba kin don ia kata ka jingkitkhlieh kum kita ki nongialam, ban pynkyrsiew thiah ia ki ba ka jinglong nongnialam kam dei satia tang ban pynsawa ia ka ktien bad dei ban pyrkhat janai ban shakri ia ki paidbah khlem da don ka jingthaid ne ka jingngiah kum kita ki nongialam, u la bynrap.