Ha kawei na ka jingjia ia tyngkhuh kali, u Dribar bad uwei u nongshong jong ka kali Tata Sumo, ki la mynsaw, kaba dei hadien ba katei ka Kali kaba ki shong ka la ia tyngkhuh bad kawei ka Trok Dumper, kaba la jia mynta ka sngi ha Lumshnong, ba hap ha East Jaintia Hills District.
Halor kane ka jingjia, kitei ki ar ngut kiba la mynsaw ba kynthup ia u draibar bad u nongshong la rah noh sha Khliehriat Civil Hospital ban ioh ia ka jingsumar na ka jingmynsaw kaba ki la shah ktah ha katei ka jingiatyngkhuh Kali.
Ka kyrwoh bala ioh lum na ki bor Pulit ka East Jaintia Hills, la iathuh ba ia mynta kim pat lah satia ban tip mano ba bakla ha katei ka jingiatyngkhuh kali bad ka jingtohkit halor kane ka jingjia ka dang iaid shakhmat ban lap ia ki jingshisha.
