Kum shi bynta ban pynsuk ia ki briew ha kylleng ka pyrthei, ka kompani Google mynta ka sngi ka la pynbna paidbah ba ka la pynrung sa kumba 110 tylli ki ktien hapoh ka Google Translate kaba lah ban pynkylla na kawei ka ktien sha kiwei pat ki ktien jong ka pyrthei.
Kaba kham sngewtynnad shuh shuh, ka long ba ka ktien Khasi kadei kawei na kitei ki 110 tylli ki ktien kiba la ioh ban rung lang hapoh katei ka thup kaba la pynbna da ka kompani Google mynta ka sngi katba ka ktien Garo pat kam shym la ioh satia ban rung.
Kiwei de ki ktien jong ka pyrthei kiba la ioh ban rung ha Google Translate ki kynthup ia ka Abkhaz, Acehnese, Acholi, Afar, Alur, Avar, Awadhi, Balinese, Baluchi, Baoulé, Bashkir, Batak Karo, Batak Simalungun, Batak Toba, Bemba, Betawi, Bikol, Breton, Buryat, Cantonese, Chamorro, Chechen, Chuukese, Chuvash, Crimean Tatar, Dari, Dinka, Dombe, Dyula, Dzongkha, Faroese, Fijian, Fon, Friulian, Fulani, Ga, Hakha Chin, Hiligaynon, Hunsrik, Iban, Jamaican Patois ka ktien Jingpo lem bad kiwei kiwei.
