Nongpoh, Nailar 21: Ki nongniah kali naka jylla Assam bala ialam da ka Assam Taxi Drivers Union mynta ka sngi kala mih paidbah biang ha Jorabat ban khanglad iaki kali Meghalaya ban rung sha Assam kum shi bynta jongka jingbitar bad pyn-ibor mar kylliang halor ka jingshah pynjulor ki kali bad ki briew na Assam haka bike rally ba la pynlong daka KSU ha nongbah Shillong haka sngi Balang ba lah dep.
Ha kane ka sngi, la sakhi ia ki spah ngut ki nongniah kali na Assam kiba la ieng ha khrum jingkieng Jorabat ban khanglad iaki kali Meghalaya kiba thmu ban leit sha Assam kumba long hynnin ka sngi.
Kane ka jingbteng jong kitei ki kynhun nongniah kali na Assam ban khanglad bad pynphai biang iaki kali Meghalaya kala buh jingeh shikatdei iaka leit ka wan jong kito kiba pang ba shitom, ki nongwan jngohkai pyrthei, ki kam khaïi pateng bad kiwei kiwei de kiba donkam ban iaid lyngba katei ka surok.
