Kumba 54 ngut ki briew kila mynsaw bad 18 ngut kiwei pat la iathuh ba ki la jah rngai hadien ka jingbthei bad kem ding kynsan jongka shlem Barzan Gas Supply kaba don ha Ras Laffan Industrial City marjan bad ka nongbah Doha jongka ri Qatar hynnin ka janmiet jongka 21 tarik u Jylliew 2026.
Katkum ka tyllong khubor, la iathuh ba ba katei ka jingbthei kynsan katei ka jaka shalan gas kadei haka por ba sdang ban pynmeh iaki kor ki bor ha katei ka shlem, kaba don iaka Liquefied Natural Gas kaba heh duh haka pyrthei.
Naka liang ka Qatari International Search and Rescue Group ha ryngkat bad kiwei de ki bor sorkar ki dang pynlong iaka jingwad bniah ban lap dien iaki 18 ngut kiba dang jahrngai ha katei ka jingjia.
Ki bor ba dei khmih ki dang pynlong ruh iaka jingtohkit bniah ban lap iaka daw jong katei ka jingjia bad ban ioh jingkhein ruh iaka jinglut jingsep nalor ka jingkhmih bniah iaka jinglong jingman ha katei ka shlem shalan gas kaba la pyniaid da ka QatarEnergy.
Also watch:
